மாமனை மயக்குதே பஞ்சவர்ணம்- கதை திரி

[Brammastram Writers]

மாமனை மயக்குதே பஞ்சவர்ணம்

 

[Brammastram Writers]

பஞ்சவர்ணம்- 01



ஜீவபுரம் ( கற்பனை ஊர்) அன்று திருவிழா கோலம் பூண்டு இருந்தது காரணம் இன்று அவர்கள் ஊர் சின்ன பண்ணையாரின் நிச்சயதார்த்தம் அவர் கட்டி கொள்ள போகும் பெண் வேற யாருமல்ல அவரின் மூத்த அக்கா மகள் தான்.பண்ணையார் சந்தான கிருஷ்ணன் அவருக்கு பெயருக்கேற்ப குழந்தைகளுக்கு குறைவு என்பதே இல்லை அவருக்கு அவர் மனைவி மங்கைக்கும் பிறந்தது மூன்று பெண்ணுங்க மூத்தவள் கங்கா இரண்டாவது யமுனா மூன்றாவது காவேரி புண்ணிய நதிகளின் பெயர்களை தான் தன் பெண்களுக்கு அவர் வைத்து இருந்தார்




அவருக்கு பெண்ணுங்க என்றால் கொள்ளை பிரியம் ஆனால் மங்கைக்கு தான் பெயர் சொல்ல ஒரு ஆண் வாரிசு இல்லையே என்ற கவலை. டாக்டர் கூட இதற்கு மேலே குழந்தை தங்கினால் உசுருக்கு ஆபத்து என சொல்லி விட மனைவி மேலே உசிரே வைத்து இருந்த சந்தானம் விலகி இருக்க மங்கை தான் பிடிவாதமாக ஆண் வாரிசு வேணும் என்று அவரை கரையாக கரைத்து நான்காவது குழந்தையை வயிற்றில் சுமந்தார் .





உண்மையில் சந்தானம் பயந்து போனார் டாக்டர் சொன்னதை மீறி இப்படி நடந்து விட்டதே என்று அவசரமாக மங்கையை அழைத்து கொண்டு டவுனில் உள்ள பெரிய ஆஸ்பத்திரிக்கு அழைத்து கொண்டு காட்ட. டாக்டரும் முதலில் கோப்பட்டு திட்டி விட்டு பிறகு கடமை உந்தி தள்ள சில மருந்து மாத்திரைகளை எழுதி கொடுத்து மங்கையை நன்றாக கவனிக்க சொன்னார்.






சந்தானத்திற்கு தந்தை இல்லை அவர் இறந்து விட்டார் தாய் வேதவல்லி இருந்தார் வேதவல்லியின் தம்பி பெண்ணு தான் மங்கை அதனால் எந்த பிரச்சனையும் இல்லாமல் அவளை கண்ணும் கருத்துமாக பார்த்து கொண்டார். பண்ணையார் பரம்பரை பணம் காசுக்கு பஞ்சம் இல்லை வேலை செய்ய ஆளுங்க இருக்கும் போது மங்கையை கவனிப்பதில் சிரமம் என்ன இருக்க போகிறது ஆனா விதி விட வேணுமே மங்கையின் பிரசவ நாளுக்கு முன் அவளை ஹாஸ்பிட்டலில் சேர்க்க வேணும் என டாக்டர் சொல்லி இருக்க. இன்னும் பிரசவத்திற்கு ஒரு வாரம் இருக்கும் நிலையில் மங்கை எதிர்பாராத நிகழ்வாக தரையில் கொட்டி இருந்த தண்ணீரை கவனிக்காது அதில் கால் வைக்க அது காலை வாரி விட்டு இருக்க மங்கை சத்தம் போட்டவாறே தரையில் விழுந்தாள்.




பொண்ணுங்க மூவருமே வெளியே விளையாட போய் இருக்க இவளின் சத்தம் கேட்டு வேதவல்லி தொடக்கம் அனைவருமே ஓடி வந்து அவளை அவசரமாக தூக்கி கொண்டு டவுன் ஆஸ்பத்திரிக்கு ஓடி போனார்கள் தகவல் அறிந்து வெளியே வேலைக்கு போன சந்தானம் ஓடி வரும் போது மங்கை ஆசைபட்டபடியே சந்தானத்திற்கு ஒரு மகனை பெத்து கொடுத்து விட்டு கண் மூடி இருந்தாள்.






சந்தானம் மட்டுமல்ல வேதவல்லி தொடக்கம் அனைவருக்குமே இந்த அதிர்ச்சியை தாங்க முடியவில்லை. அதில் குழந்தை வேற பிரசவ தேதிக்கு முன் பிறந்ததால் குழந்தையை இன்குபேட்டரில் வைத்து இருந்தனர் அது வேற அவர்களுக்கு கவலை அளித்தது மூன்று பெண்களைக்கு பிறகு பிறந்த ஆண் குழந்தை மங்கை உயிரை கொடுத்து பெத்து கொடுத்தவன். நிலைக்குமா நிலைக்காதா என அனைவருமே தவிர்க்க விட்டவன் மங்கையின் கடைசி பரிசாக சந்தானத்தின் புத்திரன் செழியன் பிழைத்தான். அவன் பிழைத்தது சந்தோஷம் தான் ஆனால் அதை கொண்டாட முடியாதபடிக்கு மங்கையின் மரணம் இருந்தது. சந்தானத்தால் மங்கை இறந்ததை தாங்கி கொள்ள முடியவில்லை வேதவல்லிக்கும் அப்படி தான் மங்கை மருமகள் அல்ல மகள் அவளை இழந்தது வருத்தம் தான் அதற்காக அவர் மூலையில் முடங்கி கொண்டால் நான்கு குழந்தைகளையும் யார் பார்ப்பது.




அவரும் வயது போனவர் என்ன செய்வது என யோசித்து கொண்டு இருக்கும் போது அந்த வேலையை அவரின் பேத்திகள் மூவருமே எடுத்து கொண்டனர் தாயை இழந்தது தாங்க முடியாத வலி தான் ஆனா அவர்களுக்கு தாயின் உருவில் தம்பி இருக்கிறானே அவர்கள் மூவருமே அவனுக்கு தாயாக மாறி தாங்கி கொண்டனர்.





வேதவல்லி வீட்டு பொறுப்பை பார்த்து கொள்ள கங்கா, யமுனா, காவேரி செழியனை பார்த்து கொண்டனர் கங்காவுக்கு அப்போது வயது பதினைந்து யமுனாவுக்கு பன்னிரெண்டு காவேரிக்கு பத்து வயது செழியனுக்கு அவர்கள் மூவருமே தான் அன்னை .அவனை குளிக்க வைப்பதில் இருந்து உடை மாற்றி சோறு ஊட்டி விளையாடுவது வரைக்கும் அவர்கள் தான் வேதவல்லி கூட இவர்களை பார்க்க சந்தானத்திற்க்கு இரண்டாவது கல்யாணம் பண்ணி வைக்கலாமா என நினைக்க அதை அறிந்த சந்தானம் ஒரு ருத்திரதாண்டவம் ஆடி விட்டார். என் மங்கை இருந்த இடத்தில் இன்னொருத்தியா இனி இது பற்றி பேச வாய் திறந்த நான் மனுஷனாக இருக்க மாட்டேன் என சத்தம் போட வேதவல்லி வாய் மூடி கொண்டார்.






செழியன் தான் அடுத்த பண்ணை வாரிசு அவன் தான் தன் அக்காக்களை பார்க்க வேணும் அதற்கு அவன் படித்து இருக்க வேணும் என நினைத்த சந்தானம் அவனை அந்த ஊர் பள்ளி கூடத்தில் சேர்க்க .எங்கே அவன் படித்தால் தானே அக்காக்களை தேடி ஓடி வந்து விடுவான் போதாது என்று அவனை திட்டி விட்டான் என்று கங்கா போய் அந்த வாத்தியாரை விளாசிய விளாசில் அந்த வாத்தி இந்த ஊரையே வேணாம் என மாற்றல் வாங்கி கொண்டு போய் விட்டார் .சந்தானம் மகள்களை கண்டிக்க முடியாமல் நொந்து போய் விட்டார் காரணம் அவருக்கு மகள்கள் மூவருமே தான் குல தெய்வம் அவர்கள் பேச்சை அவர் மீறியது இல்லை என்ன செய்யலாம் என யோசித்தவர் செழியனை பட்டணத்தில் உள்ள பள்ளியில் சேர்க்க.அதற்கே மூவருமே சந்தானத்தின் கூட பேச்சு வார்த்தை வைக்காமல் தம்பி எங்க கூட தான் இருக்க வேணும் இல்லை என்றால் நாங்க ஒரு வாய் தண்ணீர் கூட சாப்பிட மாட்டோம் என உண்ணாவிரதம் இருக்க வேற வழி இல்லாது அவனை ஊருக்கு வரவழைத்தார்.





வேதவல்லி தான் மகனின் நிலை புரிந்து மெதுவாக பேரனிடம் உன் அக்காக்களை பாதுகாக்க இந்த சொத்தை எல்லாம் கட்டி காக்க வேணும் என்றால் உனக்கு எழுத படிக்க தெரிந்து இருக்க வேணும் இல்லை என்றால் உன்னை உன் அக்காக்களை ஏமாற்றி விடுவாங்க என அவனுக்கு புரியும் விதமாக எடுத்து சொல்ல தான் படிக்க போனான் அதுவும் பத்தாவது வரை படித்தான் பிறகு தனக்கு படிப்பு வரவில்ல என்று தோட்டம் துரவு, வயல், என பார்க்க கிளம்ப சந்தானமும் எழுத படிக்க தெரிந்த அளவு போதும் இதற்கே எனக்கு நாக்கு தள்ளி விட்டது என நினைத்தவர் சரி என்றார்.





கங்காவுக்கு இருபது வயதாகும் போது அவளுக்கு பக்கத்து ஊரில் ஜவுளி கடை வைத்து இருக்கும் தர்மனை கட்டி வைத்தார்கள் தர்மன் ரொம்ப நல்ல மனிதர் கங்காவுக்கு பக்கத்து ஊர் புகுந்த வீடு என்று தான் பெயர் காலையில் வந்தால் ராத்திரி தான் அங்கே போவாள். யமுனாவுக்கு மதுரையில் நல்ல சொத்து பத்து உள்ள வரனான தமிழ் குமரனை கட்டி வைத்தார் அடுத்தவள் காவேரி அங்கே தான் சந்தானத்திற்கு கொஞ்சம் தலை வலியாக இருந்தது. காரணம் அவர்கள் ஊருக்கு வாத்தியார் வேலைக்கு வந்த அசோக்கை காவேரி காதலித்தாள் அசோக்குக்கு சொல்லி கொள்ளும் படியாக உறவு இல்லை சித்தப்பா சித்தி தான் இவனை வளர்த்தது ஏதோ விபத்து ஒன்றில் பெற்றவர்கள் இருவருமே போக இவனை வளர்த்து படிக்க வைத்தது இவர்கள் தான். கொஞ்சம் வசதி குறைவு ஆனா ரொம்ப சுயமரியாதைக்காரன் மட்டுமல்ல படித்த குடும்பம் மகள் ஆசைக்காக குடும்பமும் நல்ல குடும்பமாக இருக்க சந்தானம் திருமணத்திற்கு சம்மதித்தார்.






இந்த திருமணம் செழியனை தவிர மற்ற அனைவருக்குமே பிடித்து இருந்தது அசோக்கை செழியனுக்கு பிடிக்காது காரணம் அசோக் தான் அவன் வகுப்பின் வாத்தியார் அவனை படிக்க வைக்க அவர் சில நேரம் அடித்தது உண்டு அந்த கோபம் எல்லாம் அக்காவுக்கு இவர் வேணாம் என அவனின் பதினைந்து வயதில் ஆர்ப்பாட்டம் பண்ண காவேரி தவிர்த்து போனாள்.

காதலித்தவரையும் விட முடியாது மகனாக வளர்ந்த தம்பியின் பேச்சையும் மீற முடியாது என்பதால் சந்தானத்திற்கு வந்த கோபத்திற்கு முதல் தடவையாக மகனை கை நீட்டி அடித்து விட்டு இந்த கல்யாணம் நடக்காமல் விட்டால் உன் அக்கா உயிரை விட்டு விடுவாள் அவள் உயிர் உனக்கு முக்கியம் இல்லை என்றால் இப்படி ஆர்ப்பாட்டம் செய் என சொல்ல செழியனுக்கு அசோக் மேலே கோபம் வந்தாலும் தமக்கைக்காக சரி என்றான்.






அசோக் இந்த ஊரில் வேலை பார்த்தாலும் வேற வீடு எடுத்து தான் தங்கி இருந்தான் சந்தானம் எவ்வளவு சொல்லியும் என் உழைப்பில் என் மனைவி பிள்ளைகளை வாழ வைக்க முடியும் என்ற பதில் தான்.மற்ற இருவருமே அவர்கள் குடும்பத்திற்காக வரதட்சணை வாங்கிய போது அசோக் மட்டும் காவேரி கட்டிய சேலையுடன் தான் வர வேணும் என்று சொல்லி ஒத்த ரூபாய் கூட சீராக வாங்க மறுத்து விட்டான் அதனால் மற்ற மருமக்களை விட சந்தானத்திற்க்கு அசோக்கை ரொம்ப பிடிக்கும் அது செழியனுக்கு அது கர்வமாக பட்டது .

தமக்கைகாக தன் கோபத்தை அடக்கி கொண்டான் செழியனுக்கு இருபத்தைந்து வயதாகும் போது வேதவல்லி அவனுக்கு கல்யாண பேச்சை தொடங்க சந்தானம் தரகரை வீட்டுக்கு வர சொல்லவா என கேட்க அவ்வளவு தான் வழமை போல அவன் அக்காக்கள் மூவருமே சந்தானத்தை ஒரு பிடி பிடித்து விட்டனர் .






தங்கள் மூவருக்குமே பெண்ணுங்க இருக்கும் போது இந்த வீட்டுக்கு வெளியே இருந்து மருமகள் வருவதா அதுவும் எங்க தம்பிக்கு எங்க பெண்ணுங்களில் ஒருத்தி தான் பொண்டாட்டி என போட்ட போட்டில் அவர் எங்கே வாய் திறக்க சரி மா நீங்களே உங்க தம்பி கல்யாணத்திற்க்கு பெண்ணு தொடக்கம் கல்யாண வேலைகள் என்ன செய்ய வேணும் என ஒரு லிஸ்ட் போடுங்கள் அதன்படியே நான் செய்கிறேன் என சொல்ல அவர் சம்மதம் கிடைத்த அடுத்த நொடி செழியனின் திருமண ஏற்பாடு ஆரம்பித்து இப்போ கல்யாணம் வரைக்கும் வந்து நிற்கின்றது.






பஞ்சவர்ணம் வரும்….

 

[Brammastram Writers]

பஞ்சவர்ணம் - 02


மூத்தவள் கங்காவுக்கு இரண்டு பெண்ணுங்க மூத்தது கெளரி அடுத்து ரதிதேவி அடுத்தவள் யமுனாவுக்கு இரண்டு பையன் மூத்தது நகுலன் அடுத்து கபிலன் காவேரிக்கு ஒரேய பெண்ணு பெயர் புவனேஸ்வரி. கங்காவின் மூத்த பெண்ணுக்கும் செழியனுக்கும் ஜாதக பொருத்தம் பார்க்கும் போது பொருத்தம் இல்லை அவன் கெளரியை கட்டி கொண்டால் உயிருக்கு ஆபத்து என சொல்ல கங்கா பயந்து போய். தன் அடுத்த மகள் ரதிதேவிக்கு பொருத்தம் பார்க்க எல்லாம் பொருத்தமாக இருக்க அனைவருமே சந்தோஷமாக கல்யாணத்திற்கு ஏற்பாடு பண்ணினார்கள்.





கெளரி, ரதி இருவருமே பத்தாம் வகுப்பு வரைக்கும் தான் படித்தவர்கள் அவர்களுக்கும் அது வரைக்கும் தான் படிப்பின் மீது நாட்டம் இருந்தது. நகுலனுக்கு செழியன் போல வயல், தோட்டம் இதில் தான் நாட்டம் கபிலனுக்கு மட்டுமல்ல புவனேஸ்வரிக்கும் படிக்க ரொம்ப பிடிக்கும் காரணம் அசோக் அவர் தான் தன் பெண்ணுக்கும் தன் மகனுக்கும் கல்வியின் முக்கியத்துவத்தை சின்ன வயதில் இருந்தே சொல்லி கொடுக்க ஆரம்பித்தார்.அதனால் அந்த குடும்பத்தில் இளைய தலைமுறையில் படித்தது இவர்கள் இருவரும் தான் கபிலனுக்கும் புவனாவை தான் ரொம்ப பிடிக்கும் தங்கச்சி தங்கச்சி என எப்பவுமே அவள் கூட தான் சுற்றுவான் இல்லை என்றால் அசோக் கூட இவள் தான் அந்த வீட்டில் கடைசி பெண்ணு. கெளரி பிறந்து அடுத்த வருடம் நகுலன் பிறகு கபிலன் அதற்கு பிறகு ரதி கடைசியாக தான் புவனா இவளுக்கு பிறகு காவேரிக்கு கரு தாங்காமல் போக இவள் ஒற்றை புள்ளையாக நிற்க காவேரி, அசோக் இவள் மேலே உயிரே வைத்து இருந்தனர்.






ஏனோ செழியனுக்கு புவனாவை பெரிதாக பிடிக்காது அசோக் மேலே கொண்ட கோபம் அவளை அக்கா மகளாக பார்க்காமல் அசோக்கின் மகளா பார்த்தான் .அவனுக்கு ரொம்ப பிடித்தவள் என்றால் ரதி தான் எப்போவுமே மாமா மாமா என இவன் பின்னால் சுற்றுவாள் மூத்தவள் இருக்கும் போது இளையவளுக்கு கல்யாணம் பண்ண முடியாது என்பதால் கெளரிக்கு அந்த ஊரிலே வசதியாக உள்ள சந்தானத்தின் நண்பன் மகன் மட்டுமல்ல செழியனின் உயிர் நண்பனா நிலவனை போன வருடம் கட்டி கொடுத்தனர். இப்போ கெளரி மூன்று மாதம் கர்ப்பமாக இருக்கிறாள் பிறந்த வீடு உள்ளூர் என்பதால் அவளுக்கு இலகுவாக போய் விட்டது கபிலனும், புவனாவும் பட்டணத்தில் படித்து கொண்டு இருக்கிறார்கள் கபிலன் விவசாயம் சார்ந்த படிப்பு புவனாவுக்கு தந்தை போல வாத்தியாராக வர வேணும் என்பதால் இப்போ பட்டப் படிப்பு இறுதி வருடத்தில் இருக்கிறாள். அதற்கு பிறகு பி.எட் படித்து தேர்வு வாரியம் நடத்தும் தகுதி தேர்வில் தேர்வெழுதி பட்டதாரி ஆசிரியையாக வேணும் என்பது அவளது லட்சியம் அதுவும் அசோக் அவளுக்கு தமிழ், ஆங்கிலம் இரண்டின் அவசியத்தை சொல்லி கொடுத்து இருக்க.அவளுக்கு தன் ஊரில் உள்ள பாடசாலையில் ஆங்கில ஆசிரியையாக கடமையாற்ற வேணும் என்பது லட்சியம் இதற்கு அவள் அனுமதி பெற பெற்ற கஷ்டம் அவளுக்கு தானே தெரியும்.






சந்தானத்திற்கு புவனாவை ரொம்ப பிடிக்கும் காரணம் தன் ஆசையை நிறைவேற்றிய பேத்தி என்பதால் அவருக்கு படித்தவர்களை கண்டால் எப்போவுமே பிரமிப்பு உண்டு அவர்களை கை எடுத்து தான் கும்பிடுவார். என்ன தான் அவரிடம் காசு பணம் கொட்டி கிடந்தாலும் படிப்புக்கு இருக்கும் மரியாதை தனி ரகம் என்பது அவர் எண்ணம். ஆனால் வேதவல்லி, கங்கா, காவேரிக்கு இவளை தொலை தூரம் அனுப்ப விருப்பம் இல்லை யமுனாவுக்கு இவள் தான் செல்லம் பெண் பிள்ளைங்க இல்லாத அவள் கடைகுட்டியான இவளை தன் இடுப்பில் வைத்து கொண்டு தான் சுற்றுவாள் இவள் படிக்க போகும் ஆசையை சொல்ல இவளுக்காக வாதாடியது சந்தானம், யமுனா, அசோக், கபிலன் தான். நகுலன் பெரிதாக எதிலுமே எதிர்ப்பு தெரிவிக்க மாட்டான் ஆனா செழியன் அசோக் மேலே உள்ள கோபத்தில் வேதவல்லி, கங்காவை தூண்டி விட அதுவே புவனாவுக்கும் அவனுக்கும் இடைவெளியை உண்டாக்கியது இருந்தாலும் கூட புவனாவுக்கு அவன் மேலே ரொம்ப மரியாதை .அசோக் தான் காவேரிக்கு போட்ட சத்தத்தில் மற்றவர்கள் வாய் மூடி கொள்ள மகளையும் மகனையும் அவரே சேலத்தில் உள்ள காலேஜ்ஜில் சேர்த்து விட்டார் இதற்கு சந்தானம், யமுனா துணையாக நிற்க மற்றவர்களுக்கு எதுவும் பேச முடியாமல் போனது காவேரி தான் ஒற்றை மகளை பிரிந்து கண்ணீரும் கம்பலையுமாக இருக்க செழியனுக்கு இன்னும் அசோக் மேலே கோபம் கூடியது.





இன்று நிச்சயதார்த்தம் நாளை கல்யாணம் என்று தான் ஏற்பாடு செய்து இருந்தார்கள் காலையிலே கங்காவின் ஆளுமையில் அந்த பண்ணை வீடு சுழன்று கொண்டு இருந்தது. கங்கா





செங்கமலம் அந்த சட்னியில் கொஞ்சம் உப்பை சரி பாரு தம்பிக்கு சாப்பாடு விஷயத்தில் எல்லாம் சரியாக இருக்க வேணும். ஏய் பவுணு அந்த சீம் பாலை எடுத்து வை புவனா குட்டிக்கு அதில் பால்கோவா செய்தால் அவளுக்கு ரொம்ப பிடிக்கும் கபிலனுக்கு கார முறுக்கு பிடிக்கும் அதை செய் சீக்கிரமாக புள்ளைங்க வந்து விடுவாங்க. பாவம் பட்டணத்தில் இது எல்லாம் கிடைக்குமோ தெரியாது என சொல்லி கொண்டு இருக்க யமுனா, காவேரி இருவருமே வர. கங்கா





என்ன டி இரண்டு பேருமே ஆடி அசைந்து வாறீங்க வெரசாக வர வேண்டியது தானே அதுவும் உள்ளூரில் இருந்து கொண்டு நம்ம ஒரேய தம்பியோட நிச்சயதார்த்தம் டி என. காவேரி





அக்கா நம்ம தம்பிக்கு மட்டுமல்ல நம்ம பெண்ணுக்கும் தான் சரி எங்கே என் பெண்ணை காணோம் எழுந்து விட்டாளா என கேட்க. கங்கா





யாரு உன் பெண்ணா பாரு இன்னும் தூங்கி கொண்டு இருக்கிறாள் வயிற்று புள்ளைக்காரி கெளரி கூட எழுந்து விட்டாள் என சொல்ல. காவேரி






உனக்கு எப்போவுமே என் பெண்ணை வையா விட்டால்தூக்கம் வராதே ஆத்தா ரதி என அழைத்து கொண்டு ரதியின் அறைக்கு காவேரி போனாள். காவேரிக்கு ரதி என்றால் கொள்ளை பிரியம் புவனா படிக்க போன பிறகு அவளை ரதியில் தான் கண்டாள் அதை விட அக்காள் மகள் கேட்கவா வேணும் அவளுக்கும் காவேரியை ரொம்ப பிடிக்கும் காவேரி ரதியின் அறைக்கு போக அவள் இன்னும் தூங்கி கொண்டு இருக்க. ஆத்தா ரதி என அவள் கட்டிலில் அமர்ந்து அவள் தலையை தடவி விட ரதி தேவி மெதுவாக கண் விழித்தாள். பெயகேற்றப ரதி தான் அவள் கெளரி, புவனாவை விட ரொம்ப அழகு அவர்கள் இருவருமே தேன் நிறம் என்றால் இவள் எலுமிச்சம்பழ நிறம் கெளரிக்கு இடை வரை கூந்தல் இவளுக்கு முதுகு வரை தான் சுருண்ட முடி புவனாவுக்கு தான் பாட்டி மங்கை போல கால் முட்டியை தாண்டி கூந்தல் தொங்கி கொண்டு இருக்கும் .மற்றும்படி மூவருமே அழகிகள் தான் ரதி புரண்டு வந்து காவேரியின் மடியில் தலை வைத்து தூங்க காவேரி அவள் தலையை தடவி விட்டு. காவேரி





ஆத்தா ரதி வெரசாக எழுந்து விடு கண்ணு இன்று உனக்கு நிச்சயதார்த்தம் இல்லையா ஆச்சி உன் அப்புச்சி உன் ஆத்தாள்காரிக்கு தெரிந்தால் அவ்வளவு தான் வீட்டை இரண்டாக்கி விடுவாங்க கண்ணு. உன்னை விட எனக்கு தான் திட்டு அதிகம் கிடைக்கும் என் கண்ணு எழுந்திரு ஆத்தா என ரதியும் மெல்ல எழுந்தவள். ரதி





காவேரி ஆத்தா சிண்ணன், பாப்பா வந்து விட்டாங்களா என கேட்க. காவேரி எழுந்து அவளுக்கு குளிக்க துண்டு மாற்று உடைகளை எடுத்து வைத்தவர் அவள் போர்வையை மடித்து கொண்டே. காவேரி





இன்னும் வரவில்லை ஆத்தா உன் ஆச்சி சத்தம் போட்டு கொண்டு இருக்கிறாங்க அவங்க சொல்வதும் நியாயம் தானே நம்ம பண்ணைகார குடும்பம் ஊர் சனங்கள் சொந்தபந்தம் கூடி இருக்கும் போது இவங்க இரண்டு பேருமே இல்லை என்றால் எப்படி இருக்கும். உங்க சித்தப்பு கிட்ட இரண்டு பேரும் வருவதாக சொல்லி இருப்பதாக அவர் சொன்னார் நம்ம நகுலன் தான் பஸ் ஸ்டாண்ட்க்கு அவங்களை அழைத்து வர போய் இருக்கிறான் பார்க்கலாம் சரி அவங்களை விடு நீ போய் குளித்து விட்டு வா ஆத்தா. வெளியே வராதே கல்யாண பெண்ணு கொள்ளி கண்ணு பட்டு விடும் நான் உனக்கு சாப்பாடு எடுத்து வருகிறேன் என கூறி விட்டு போனார் .செழியன் வயலுக்கு போய் விட்டு வர வாசலில் வேதவல்லி வெற்றிலை இடித்து கொண்டு இருந்தார் வயது கிட்ட தட்ட எண்பது கண் பார்வை ,காது எல்லாம் இந்த வயதில் கூட நல்லா கேட்கும், தெரியும் என்ன கொஞ்சம் மறதி தான் இருக்கு.






செழியன் ஆறடி உயரம் திராவிட நிறம் அவன் கடின உழைப்பை அவன் கட்டுடல் காட்டியது இக்கால இளைஞர்கள் ஜிம்க்கு போய் கிடைக்காத உடல் அவன் கடின உழைப்புக்கு பரிசாக கிடைத்தது .அடங்கா தலைமுடி மஞ்சள் சட்டை மஞ்சள் கரை வைத்த வெள்ளை வேட்டி இடது கையில் தங்க நிற காப்பு. கழுத்தில் வயிறு வரை நீண்ட சற்று தடிமான சங்கிலி அதில் புலி பல்லு பதிக்கப்பட்ட பென்டன் ஒன்று இடது காதில் சின்ன வைர கடுக்கன் இடது, வலது கையில் பச்சை, சிவப்பு மோதிரம் இரண்டு இருந்தது .அவன் ஒற்றை கையில் வேட்டியை தூக்கி பிடித்து கொண்டு வரும் அழகை ரசித்த வேதவல்லி என் கண்ணு என் ராசா மேலே பட கூடாது சாமி என வேண்டி கொண்டவர்.வேதவல்லி





என்ன ராசா இன்றும் வயலுக்கு போக வேணுமா உனக்கு இன்று நிச்சயதார்த்தம் ராசா .ஊர் கண்ணு பூராகவும் உன் மேலே தான் இருக்கிறது இப்போ நீ வெளியே போகலாமா என கேட்க. செழியன்






என்ன செய்ய அப்பத்தா நகுலன் தான் பஸ் ஸ்டாண்ட்க்கு போய் விட்டானே அப்போ நான் தானே மாமன் வயலையும் சேர்ந்து பார்க்க வேணும் என. சொன்னவன் எங்கே அவங்க வந்து விட்டாங்களா என கேட்ட நேரம் பஸ் ஸ்டாண்ட் போன நகுலன் வந்தான்.






பஞ்சவர்ணம் வரும்…

 

[Brammastram Writers]

பஞ்சவர்ணம் - 03



செழியன் நகுலனை கேட்ட நேரம் நகுலன் வந்தான் .அவனும் கிட்ட தட்ட செழியன் போல தான் உடல் உழைப்பு அவனை கம்பீரமான ஆண் மகனாக காட்டியது .வேதவல்லி





இந்தா ராசா வந்து விட்டானே ஏன்யா நகுலா எங்க உன் கூட பிறந்த பிறப்புகள் என கேட்க நகுலன் கொஞ்சம் தயங்கி செழியனை பார்த்தான். அவர்கள் அனைவருக்குமே செழியன் மேலே பயம் கலந்த மரியாதை இருக்கு அவன் இப்போ விஷயத்தை சொன்னால் நிச்சயமாக கோபடுவார் என நினைக்க. செழியன்





நகுலா அது தான் அப்பத்தா கேக்குது இல்லையா என்ன விஷயம் கபிலன், புவனா எங்கே என கேட்க. நகுலன்






அது வந்து மாமா தம்பியும் தங்கச்சியும் இன்று வரவில்ல நாளை தான் வருகிறார்கள் என கால் பண்ணி சொல்லி இருந்தாங்க. என் மொபைலில் சார்ஜ் இறங்கி விட்டது இப்போ தான் எடுத்து பார்க்க அவங்க நம்பர் இருக்க எடுத்து பேசும் போது தான் தகவல் சொன்னாங்க என ஏன் என்ற ஒற்றை வார்த்தை செழியனின் கோபத்தை காட்ட. வேதவல்லி





வேற என்ன ராசா அந்த சின்ன குட்டிக்கு இங்கே வரவே பிடிக்காது பெரிய பெரிய படிப்பு எல்லாம் படிக்க வேணும் என சொல்லி கொண்டு இருப்பாள். இங்கே இருந்தால் அது முடியாதே கூடவே அவள் அண்ணன்காரன் வேற அவனுக்கும் இந்த கிராமம் பிடிக்கவே பிடிக்காது என சொல்ல. நகுலன்





ஆச்சி சும்மா விபரம் தெரியாமல் மாமனை ஏற்றி விடாதே என் தங்கச்சி அப்படிப்பட்டவள் இல்லை. அவளுக்கு ஒரு பரீட்சை இருக்காம் இது அவசரமாக ஏற்பாடு பண்ணியதாம் அதனால் மாற்ற முடியாது ராத்திரி பஸ்க்கு ஏறி கருக்கலில் வந்து விடுவோம் என சொன்னாங்க என. செழியன்





அவளுக்கு தான் பரீட்சை அடுத்த மாதம் இப்போ என்ன தீடீரென பரீட்சை என கேட்க. நகுலன்





தங்கச்சிக்கு பாட்டு பிடிக்கும் இல்லையா மாமா அதை பற்றிய படிப்பு தனியாக படிக்கிறது போல என சொல்ல செழியன் முகம் மாற. அடி ஆத்தி இது என்ன கூத்தாக இருக்கு ஏய் கங்கா, யமுனா, காவேரி இங்கே வெரசாக வாங்க டி என வேதவல்லி அழைக்க அவர்களும் கை வேலையை விட்டு என்ன ஏதோ என பதறி கொண்டு ஓடி வந்தார்கள். கங்கா





அப்பத்தா இப்போ எதற்காக நல்ல நாள் அதுவுமா கூப்பாடு போடுகிற என்ன விஷயம் அட தம்பி வந்து புட்டான். நகுலா நீயும் வந்து விட்டாயா பாப்பா, கபிலன் எங்கே என ஆவலாக கேட்க யமுனா, காவேரியும் முகம் மலர அவர்களை தேட. வேதவல்லி






உனக்கு நான் கூப்பாடு போடுவது தான் தெரிகிறது உன் பெண்ணு அது தான் அந்த சின்ன குட்டி என்ன செய்கிறாள் தெரியுமா. படிக்க சீமைக்கு அனுப்பினால் ஏதோ பாட்டு கற்று கொள்ள போகிறாளாம் அது மட்டுமா அக்காக்காரி மாமனின் நிச்சயதார்த்தம் அதற்கு கூட இருவருமே வரவில்லை. அந்த கபிலன் பயல் வேற அவள் தாளத்திற்குற்ப ஆடி கொண்டு இருக்கிறான் வரட்டும் இரண்டு கழுதைகளும் இனி இந்த ஊரை விட்டு போக முடியாதபடிக்கு செய்கிறேன் என. யமுனா






அப்பத்தா கொஞ்சம் சும்மா இரு உனக்கு தான் படிக்க பிடிக்காது .என் பெண்ணுக்கு படிக்க பிடிக்கும் ராசா நகுலா என்ன விஷயம் என கேட்க நகுலன் சொல்ல. யமுனா






அது தானே பார்த்தேன் என் ராசாத்தி கெட்டிக்காரி. படிப்பு மட்டுமல்ல எல்லாம் கற்று கொள்ளும் அசோக் தம்பி போல ரொம்ப புத்திசாலி என புவனாவை சிலாகிக்க. செழியன்






சின்ன அக்கா போதும் ரொம்ப சந்தோஷப்படாதே நம்ம குடும்பத்தில் இல்லாத வழக்கத்தை உன் பெண்ணு செய்கிறாள். அதற்கு அண்ணன்காரன் துணை வேற டேய் நகுலா போன் போடு இரண்டு பேரையுமே கிளம்பி இருக்க சொல்லு நம்ம வண்டியை எடுத்து கொண்டு நீ போய் அவங்களை அழைத்து வா என சொல்ல. யாரை அழைத்து வர சொல்கிற செழியா என கேட்டு கொண்டு வந்தார் சந்தானம் இன்று அவசரமாக பக்கத்து ஊருக்கு பஞ்சாயத்து பண்ண அவரை அழைத்து இருக்க கருக்கலில் கிளம்பி இருந்தவர் இப்போ தான் வந்தார். அவர் வர செழியன் வேட்டியை இறங்கி விட நகுலன் மரியாதையாக தள்ளி நிற்க காவேரி போய் தந்தைக்கு சாப்பிட தண்ணீர் எடுத்து வந்தாள்.சந்தானம்






செழியா நான் கேட்டதற்கு இன்னும் பதில் வரவில்லை நகுலா புள்ளைங்களை அழைக்க போன எங்கே பா அவங்க என கேட்க. வேதவல்லி





சந்தானம் அதை பற்றி தான் பஞ்சாயத்து இப்போ உன் கடைகுட்டி பேத்தி, பேரன் வரவில்ல. அவளுக்கு ஏதோ பாட்டு பரீட்சையாம் படிக்க அனுப்பினால் என்ன வேலை பார்க்கிறாள் என சொல்ல. சந்தானம்





எனக்கு தெரியும் போன தடவை என் குட்டிமா போன் பேசின போது சொல்லி விட்டாள் அவளுக்கு சரஸ்வதி தேவியின் அருள் பரிபூரணமாக இருக்கு. இதற்காக பஞ்சாயத்து அவளா கல்யாண பெண்ணு இல்லை தானே அவளும், கபிலனும் வரும் போது வரட்டும் ஆத்தா உனக்கு அவளை கரித்து கொட்டா விட்டால் மண்டை வெடித்து விடுமே. போங்க போய் மற்ற வேலைகளை எல்லாம் பாருங்க செய்ய ஆயிரத்தெட்டு வேலை இருக்கு இதில் என் பேத்தி வராதது தான் முக்கியம் நகுலா யாரும் எங்கேயும் போக தேவையில்ல. நாளை அவங்க சாவகாசமாக வரட்டும் என சொல்ல அதற்கு மேலே யாரும் பேச முடியாமல் அவர் அவர் வேலையை பார்க்க போனார்கள் காலை ஒன்பது மணிக்கு நல்ல நேரம் என்பதால் சந்தானத்தின் வீடு உறவுகளால் ஊர் சனங்களால் நிறைந்து போனது.





சந்தானத்தின் மூன்று மருகன்களும் வந்து இருந்தனர் நல்ல நேரத்தில் பெண்ணை அழைத்து வர சொல்ல அழைத்து வந்தவளை பார்த்து உறவுகள், ஊரே பிரமித்து போனார்கள். ரதி உண்மையில் இந்திரலோகத்து ரதியாக தான் இருந்தாள் செழியனுக்கு ரொம்ப பெருமையாக இருந்தது என் அக்கா மகள் அழகின் பிறப்பிடம் இனி என் பொண்டாட்டி என்று அவள் சபைக்கு நமஸ்காரம் செய்து விட்டு இருக்க நல்ல நேரத்தில் நிச்சயதார்த்த ஓலை வாசித்த பிறகு கங்கா தர்மன் ரதி சார்பாகவும் சந்தானம் செழியன் சார்பாகவும் தட்டு மாற்றி கொண்டனர் .செழியன் ரதி இருவருமே மாலை மாற்றி கொண்டனர் பிறகு முறைபடியாக விருந்து ஏற்பாடுகள் நடந்தது நிச்சயதார்த்தம் இனிதாக நிறைவு பெற்றது மறுநாள் புவனா, கபிலன் இருவருமே ஜீவபுர மண்ணை மிதித்தார்கள்.





கபிலன், புவனா காலையில் வந்து இறங்கும் போது கருக்கலில் என்பதால் அவர்களை சட்டென யாருமே அடையாளம் கண்டு கொள்ளவில்லை. கபிலன் ஜீன்ஸ், டீசேர்ட் என்று இன்றைய நாகரீகத்தில் இருக்க புவனா ஜீன்ஸ், குர்த்தி என இருந்தாள் அவர்கள் பைகளை இறக்கி வைக்கும் போது பாப்பா, கபிலா என சத்தம் கேட்க திரும்ப அசோக் நின்று இருந்தார். அவர் தான் இப்போ இந்த ஊர் பள்ளிக்கூடத்தில் ஹெட் மாஸ்டர் அப்பா, சித்தப்பு என இருவருமே அவரை அணைத்து கொள்ள அவரும் சந்தோஷமாக அணைத்து கொண்டவர். அசோக்





லேட்டாகி விட்டது என ஓடி வந்தேன் பா நகுலனுக்கு ஒரு நிமிஷம் கூட உட்கார முடியாத வேலை. அது தான் அவனை வர வேணாம் என சொல்லி விட்டு நானும் மாப்பிள்ளையும் வண்டி எடுத்து கொண்டு வந்தோம் என சொல்ல நிலவன் தன் புல்லட்டை நிறுத்தி வைத்து விட்டு இவர்களை நோக்கி வந்தான் இவர்களை காண. அவன்






அட கபிலா என்ன பா நீயா இது ரொம்ப கலக்கிற போல சும்மா ஹீரோ கணக்கான இருக்க. ஆத்தா புவனா எப்படி மா இருக்க அறிவு களை முகத்தில் தெரிகிறது என அவர்களை நலம் விசாரித்தான். கபிலன்





மாமா நீங்க எப்படி இருக்கிறீங்க அக்கா எப்படி இருக்கா என கேட்க. புவனா





ஏன் மாமா உனக்கு சிரமம் இது எங்க ஊர் வர வழி தெரியாதா அப்பா நீங்களும் எதற்காக வந்தீங்க என கேட்க. அசோக்





ஆத்தா என் பெண்ணும் பையனும் பட்டணத்தில் இருந்து வரும் போது நான் வீட்டில் இருக்க முடியுமா. அது தான் உங்களை அழைத்து போக வந்தேன் மாப்பிள்ளையும் நீங்க எப்படி இரண்டு பேரையும் அழைத்து வர முடியும் என சொல்லி அவரும் வந்தார் சரி வாங்க கிளம்பலாம் என சொன்னவர் தன் டிவி.எஸ். ஃபிப்டில் மகளை ஏற்ற கபிலை நிலவன் ஏற்றி கொண்டு கிளம்பினார்கள்.






பஞ்சவர்ணம் வரும்…

 

[Brammastram Writers]

பஞ்சவர்ணம்….04




அசோக் மகளை ஏற்றி கொண்டு வர. புவனா




அப்பா அக்கா, மாமா நிச்சயதார்த்தம் நல்லா நடந்ததா நான் ரொம்ப மிஸ் பண்ணினேன் பா என சொல்ல. அசோக்





ரொம்ப நல்லா நடந்தது மா என்ன ஒன்று உங்க அம்மா வீட்டு ஆளுங்களுக்கு நீயும் கபிலனும் வராதது தான் கொஞ்சம் கோபம் சொன்னால் அவங்களுக்கு புரியாது. மாமா தான் கடைசியில் சொல்ல அவர்களால் ஒன்றும் பேச முடியவில்லை என. புவனா





ஏன் பா இவங்க இப்படி இருக்கிறாங்க அப்பு கூட பெரிதாக படிக்காதவர் தான் அவர் புரிந்து கொள்கிறார் தானே. இதில் ஆத்தா வேற அவங்களுக்கு மாமா சொல்வது தான் வேதவாக்கு என. அசோக்





புவனா மா ஐந்து விரலும் ஒன்று இல்லை இவங்க கிராமத்து மனிதர்கள் என்ன ஒன்று சூதுவாது தெரியாது வெளிப்படையாக பேசி விடுவாங்க அது தான் மனக்கசப்பு ஏற்படுத்தும். சரி விடு மா நம்ம ரதி தானே உன் மாமனை கட்டிக்க போகிறாள் பார்த்து கொள்வாள் சரி வா உன் ஆத்தா அங்கே தான் நிற்கிறாள் என அழைத்து போக. நிலவனும் அப்போது தான் கபிலனை அழைத்து கொண்டு வந்து இருந்தான் இவர்கள் பைக் சத்தம் கேட்க யமுனா.




அக்கா, காவேரி புள்ளைங்க வந்து விட்டாங்க ஏய் அரளி ஆரத்தியை கொண்டு வா என சொல்லி கொண்டு வாசலுக்கு வர. கபிலன் சின்ன ஆத்தா என ஓடி வர யமுனா ஓடி வந்து என் ராசா என அவன் முகத்தை தடவி நெட்டி முறித்தவர் அவனை தள்ளி வைத்து பார்த்து. யமுனா





என் ராசா எம்புட்டு உசரமாக கதாநாயகன் கணக்கான இருக்கு என் கண்ணே பட்டு விடும் போல சாமி. என் பெண்ணு எங்கே பா என கேட்க ஆத்தா என சத்தம் கேட்க யமுனா திரும்பி பார்க்க புவனா ஓடி வந்து ஆத்தா என யமுனாவை கட்டி அணைக்க யமுனா கண்கள் கலங்க அவளை கட்டியணைத்தவர் அவள் நெற்றியில் முத்தமிட்டு விட்டு. அவர்





என் ஆத்தாவா இது ராஜகுமாரி போல இருக்க படித்த களை முகத்தில் தெரிகிறது ஆத்தா என சொல்ல முகத்தில் மட்டும் களை தெரிந்தால் போதும் சின்ன அக்கா வேற எதிலும் தெரியாமல் இருந்தால் போதும் என சொல்லி கொண்டு இவர்கள் வந்ததை தெரிந்து கொண்ட செழியன் வர. அவன் பின்னால் கங்கா ஆரத்தி தட்டோடு வர அவர் பின்னால் காவேரி வந்தார் நல்ல காலம் வேதவல்லி சாப்பிட்டு விட்டு அசதியாக இருக்கு என தூங்க போய் இருந்தார். கங்கா







செழியா புள்ளைங்க இப்போ தான் வந்து இருக்கு தொடங்கி விடாதே கபிலா, ஆத்தா வாங்க ஆரத்தி எடுக்க. காவேரி வா என்ன பார்த்து கொண்டு இருக்க உன் பையன், பெண்ணு அழகை ரசித்தது போதும் வா என சொல்ல காவேரியும் ஆனந்தத்தில் கண்கள் கலங்க ஆரத்தி எடுக்க கபிலன், புவனா இருவருமே அவர் காலில் விழ அவர்களை கட்டியணைத்தவர். காவேரி





என்ன கபிலா இப்படி இரண்டு பேருமே எலும்பும் தோலுமாக இருக்கிறீங்க நல்லா சாப்பிடுவது இல்லையா. பணத்தை மட்டும் வாங்கி புட்டு பாவிங்க புள்ளைங்களுக்கு ஒழுங்காக சோறு போடாமல் விட்டு இருக்கிறாங்க என சொல்ல. நிலவன்





காவேரி அத்தை நீங்க வேற இப்போ பட்டணத்தில் புள்ளைங்க இப்படி இருப்பது தான் நாகரீகம் என சொல்வாங்க என. செழியன்





தேவையில்ல நிலவா இந்த வீட்டுக்கு என ஒரு மரியாதை இருக்கு பெரிய அக்கா இவங்க கிட்ட நம்ம குடும்ப பழக்கத்து நினைவுபடுத்து இந்த கன்றாவி துணி எல்லாம் பட்டணத்தோடு நிற்க வேணும் என. கபிலா, ஆத்தா புவனா என அழைத்து கொண்டு வெளியே போன சந்தானம் வர அப்புச்சி என அழைத்து கொண்டு முதலில் போனது புவனா தான் அவரும் சந்தோஷமாக பேத்தியின் தலையை தடவி விட புவனா அவர் காலில் விழ அது போல கபிலனும் விழ இருவரையுமே ஒன்றாக தூக்கி ஆசி வழங்கியவர். சந்தானம்







எப்படி ராசா, ஆத்தா இருக்கிறீங்க இந்த அப்புச்சிக்கு தினமும் உங்க நினைப்பு தான். பிரயாணம் செளகரியமாக இருந்ததா சரி எங்கே அசோக் மாப்பிள்ளையை எங்கே காணோம் என கேட்க. புவனா






அப்பாவுக்கு பள்ளிக்கூடத்தில் வேலை இருக்கு என சொல்லி விட்டு போனார் என. கங்கா





சரி இரண்டு பேருமே உள்ளே வாங்க வென்னீர் விளாவி வைத்து இருக்கிறேன் பிரயாண களைப்பு போக குளித்து விட்டு வாங்க சாப்பிட .ஐயா செழியா உனக்கும் தட்டு வைக்கவா நாங்க எல்லோருமே சாப்பிட்டு விட்டோம் நீ மட்டும் தான் சாப்பிட வேணும் என. செழியன்





சரி அக்கா எடுத்து வை வியர்வை கச கசப்பு போக குளித்து வி்ட்டு வருகிறேன் என உள்ளே போக கபிலன்,புவனா உள்ளே வந்தவர்கள். புவனா





பெரிய ஆத்தா பெரிய அக்கா சின்ன அக்கா எங்கே காணோம் என கேட்க. கங்கா






கெளரி அவள் மாமியார் கூட கோவிலுக்கு போய் இருக்கு ரதி கல்யாண பெண்ணு இல்லையா உள்ளே தான் இருக்கு தங்கம் உள்ளே போய் பாரு என சொல்ல. புவனா சரி என சென்னவள் ரதி அறைக்கு கதவை தட்டி விட்டு போக அங்கே ரதி யன்னல் அருகே நின்று வெளியே யோசனையாக பார்த்து கொண்டு இருக்க சின்ன அக்கா என சத்தம் கேட்க ரதி திரும்பியவள் முகம் மலர பாப்பா என ஓடி வந்து அவளை அணைத்து கொண்டாள். ரதி






எப்போ பாப்பா வந்த நீ வர மாட்டாயோ என பயந்து கொண்டு இருந்தேன் காவேரி ஆத்தா தான் நீ இன்று கட்டாயமாக வருவதாக சித்தப்பு கிட்ட சொன்னதாக சொல்லிற்று. ரொம்ப அழகாக இருக்க பாப்பா இந்த உடை உனக்கு ரொம்ப அழகாக இருக்கு என சொல்ல புவனா அவள் கழுத்தை கட்டி கொண்டவள். புவனா





போ அக்கா நானும் பெரிய அக்காவும் சுமார் தான் ஆனா நீ தான் எங்களை விட ரொம்ப அழகு இப்போ கல்யாண களை வேற முகத்தில் ஜொலிக்கிறது. அக்கா இரு உனக்காக என்ன வாங்கி வந்தேன் பாரு என சொன்னவள் தன் டிராலி பேக்கையை திறந்து அவளுக்கு மேக்கப் செட் அழகான டிசைன் போட்ட பன்னிரெண்டு நிறங்களில் உள்ள நகச்சாயம் பாட்டீல், குட்டி சென்ட் பாட்டீல், என கொடுக்க ரதி அதை ஆசையாக வாங்கி கொண்டவள் முகம் மலர்ந்து பின் வாட அதை கண்டு கொண்ட. புவனா





என்ன அக்கா முகம் வாடி இருக்கு உடம்புக்கு முடியவில்லையா என கேட்க. ரதி





உடம்புக்கு ஒன்றுமில்ல பாப்பா நான் உன் கிட்ட ஒரு விஷயம் சொல்ல வேணும் என. புவனா





என்ன விஷயம் அக்கா சொல்லு என சொல்ல ரதி ஏதோ சொல்ல வாய் எடுக்க. பாப்பா சீக்கிரமாக குளித்து விட்டு சாப்பிட வா வென்னீர்,சாப்பாடு இரண்டுமே ஆறி விடும் என யமுனா சத்தமாக சொல்ல. புவனா





சரி அக்கா இங்கே தானே இருக்க போகிறேன் நீ ஆறுதலாக விஷயத்தை சொல்லு என சொல்லி போகும் தங்கையை ரதி யோசனையாக பார்த்தாள். கபிலன், ரதி குளித்து விட்டு வர சாப்பாட்டு கூடத்தில் இலை போட்டு இருந்தது அவர்கள் எவ்வளவு வசதியாக இருந்தாலும் கூட சோற்றை தரையில் இருந்து அதற்கு மதிப்பு கொடுத்து தான் சாப்பிட வேணும் என்ற பழக்கம். அதனால் அங்கே மேஜை, நாற்காலி இல்லை அறையில் மட்டும் தான் படிக்க, எழுத மேஜை இருக்கும் புவனாவும் கபிலனும் வர செழியன் தரையில் இருக்க. அவன் முன்னே காவேரி இலை விரித்து பரிமாறி கொண்டு இருக்க இவர்கள் வர யமுனா தான் இலை பரிமாறி உப்பு வைக்க ஆரம்பித்தார் கபிலன், புவனா சாப்பிட ஆரம்பிக்க. செழியன்




கபிலா, புவனா படிப்பு எல்லாம் முடிந்தது தானே இனி பட்டணத்திற்கு போக வேண்டிய அவசியம் இல்லை என்றான்.






பஞ்சவர்ணம் வரும்….

 

[Brammastram Writers]

பஞ்சவர்ணம் : 05




செழியன் கபிலன் புவனாவிடம் படிப்பு முடிந்து விட்டது இனி பட்டணத்திற்கு போக தேவையில்லை சொல்ல. கபிலன், புவனா இருவருமே ஒருவர் முகத்தை ஒருவர் பார்க்க செழியன் அதை பார்த்து விட்டு. செழியன்




என்ன இரண்டு பேருமே ஏதோ சொல்ல வருவது போல இருக்கு என கேட்க .கபிலன் தயங்கியவன் பிறகு






அது வந்து மாமா தங்கச்சி மேலே படிக்க வேணும் டீச்சராக வேணும் என ஆசைபடுகிறாள் சொல்ல செழியன் சட்டென புவனாவை பார்க்க. புவனா





சிண்ணன் சொல்வது உண்மை தான் மாமா நான் மேலே படிக்க வேணும் அப்பா கிட்ட அனுமதி கேட்டு விட்டேன் .அவரும் சரி என சொல்லி விட்டார் அவரின் லட்சியமும் இது தானே என சொல்ல ஓ என்ற ஓத்த சொல்லை செழியன் உதிக்க. காவேரி





ஏய் புவனா என்ன டி இது பற்றி நீ மட்டுமல்ல உங்க அப்பு கூட என் கிட்ட ஒத்த வார்த்தை சொல்லவில்லையே என. செழியன்





இதற்கு அர்த்தம் நம்ம குடும்பம் படிக்காத கூமுட்டைங்க இவங்களுக்கு இது பற்றி ஏன் சொல்ல வேணும் என்று. உன் புருஷன் நினைக்கிறார் போல அவர் மொத்த படித்த மேதாவி ஆயிற்றே என சொல்ல. யமுனா






என்ன செழியா அசோக் தம்பி அப்படிப்பட்ட ஆளா அவர் ஓத்த வார்த்தை அதிகமாக பேச மாட்டார் தான். ஆனா நம்ம குடும்பம் மேலே எம்புட்டு பிரியம் வைத்து இருக்கிறார் என்று நமக்கு தெரியாதா அதுவும் அப்பு, அப்பத்தா மேலே ரொம்ப மரியாதை உள்ளவர் என. செழியன்





ஆமாம் ரொம்ப மரியாதை உள்ளவர் தான் அது தான் நம்ம கிட்ட வேணாம் அக்கா இல்ல ஐயன் கிட்ட ஒத்த வார்த்தை சொல்லி இருக்கலாம் தானே அக்கா. அவருக்கு எப்போவுமே நம்ம படிக்காதவங்க என இளங்காரமாக தான் பார்ப்பார் அந்த புத்தி தான் அவரு பெத்த மவளுக்கு வந்து இருக்கு என சொல்ல. புவனா கண்கள் கலங்கியது இப்போ என்று இல்லை சின்ன வயது தொடக்கம் அவள் எது செய்தாலும் சொன்னாலும் அசோக் மகள் என்று தான் செழியன் பேசுவான். அவனை எதிர்த்து பேச கூடாது என்று காவேரி சின்ன வயதில் சொல்லி சொல்லியே அதுவே புவனாவுக்கு பழக்கம் ஆகிவிட்டது தங்கை கண்களை கலங்குவதை கண்ட கபிலனுக்கு கோபம் வந்தது. என்ன செய்ய அவன், நகுலனையும் தான் யமுனா அப்படி சொல்லி வளர்த்தார் செழியன் மேலே உள்ள கோபத்தில். கபிலன்





ஆத்தா அங்கே என்ன செய்கிற சோத்தை போட்டு விட்டு சமையலறையில் அரட்டை அடித்து கொண்டா இருக்க. சீக்கிரமாக வந்து குழம்பை ஊற்று என சத்தம் போட கங்கா குழம்பு சட்டியை எடுத்து கொண்டு வந்தவர். கங்கா





எதற்காக இப்போ எட்டு ஊருக்கு கேட்பது போல சத்தம் போடுகிற சூடாக கொண்டு வர வேணாமா. தம்பிக்கு அது தானே பிடிக்கும் என சொல்ல கபிலனுக்கு வந்த கோபத்திற்கு பாதி சாப்பிட்டில் சட்டென எழுந்தவன். கபிலன்




நீ மாமனையே கவனி நாங்க பக்கத்து டவுண் ஹோட்டலில் போய் சாப்பிடுகிறோம். பாப்பா சாப்பிட்டது போதும் எழுந்திரு என சொல்ல கங்கா பதறி போய். கங்கா





ராசா இங்கே பாரு கொஞ்சம் தாமதமாகி விட்டது அதற்காக பாதி சாப்பாட்டில் எழுந்து கொள்வதா. அதுவும் பொம்பள புள்ள அதை அழைத்து கொண்டு பக்கத்து டவுனுக்கு சாப்பிட போகிறேன் என சொல்கிறாயே என்ன ராசா இது பட்டணம் இல்லை பா. இங்கே உன் அப்புச்சி, மாமாவுக்கு தனி கெளவரம் இருக்கு பஞ்சாயத்து பண்ணும் குடும்பம் ராசா இது என. கபிலா உட்காரு என செழியன் அழுத்தமாக சொல்ல கபிலன் பேசாமல் நிற்க கபிலா உட்காரு என கொஞ்சம் குரலை உயர்த்தி சத்தமாக சொல்ல சட்டென கபிலன் இருக்க. செழியன்





அக்கா இரண்டு பேருக்குமே சோத்தை போட்டு குழம்பு ஊற்று அவங்க இங்கே தான் சாப்பிட வேணும். வெளியே கால் எடுத்து வைத்தால் அவங்க என்னை மாமனாக பார்க்க மாட்டாங்க ஊர் தலைவனாக தான் பார்ப்பாங்க என்ன கபிலா என் கிட்ட எகிற முடியாது என ஆத்தா கிட்ட எகிற போல. இங்கே பாரு தம்பி மீசை முளைத்தால் மட்டும் ஆம்பள இல்ல நான்கு விஷயத்தை அலசி ஆராய்ந்து குடும்பத்திற்கு எது நன்மையோ அதை செய்பவன் தான் ஆம்பள. நீ வயசு மிடுக்கில் பேசுகிற அது என்ன வெளியே போய் சாப்பிடுவது என சொல்வது கஞ்சியோ கூழோ நம்ம வீட்டில் இருந்து சாப்பிடுவது தான் உடம்புக்கும் மனசுக்கும் ஆரோக்கியம். வீட்டு சாப்பாட்டில் குறை கண்டு வெளி சாப்பாட்டை மனசு ருசிக்க ஆரம்பித்து விட்டால் நம்ம குடும்ப வாழ்க்கை தான் கெடும் படித்தவன் புரியும் என நினைக்கிறேன் . புவனா பொம்பள புள்ள அவள் பற்றிய முடிவை அவளை பெத்த அப்பன் ஆத்தா அடுத்து என் ஐயன் தான் முடிவு எடுக்க வேணும் நீ எடுக்க நினைக்காதே அக்கா மகன் மருமகன் என பார்க்க மாட்டேன் கன்னம் பழுத்து விடும் .அடுத்து மூன்று ஆத்தா கிட்டேயும் குரல் உசத்தும் வேலை வைக்காதே என் அக்காக்கள் கண் கலங்கினால் மாமான் என்று கூட பார்க்காதவன் நான் பொடி பயல் நீ எனக்கு பெரிதா. ஆத்தா புவனா உன் அண்ணகாரன் தாளத்திற்கு ஆட நினைத்த காலை உடைத்து வீட்டோடு போட்டு விடுவேன் இந்த வீட்டு பெண்ணை கட்டிக்க நான் நீ என போட்டி போட்டு கொண்டு வருவாங்க .அதனால் உன் அங்கவீனம் அவங்களுக்கு பெரிது இல்ல புரிகிறதா பெரிய அக்கா புள்ளைங்களுக்கு பிடித்ததை கேட்டு செய்து கொடு பட்டணத்தில் சரியாக சாப்பிட்டு இருக்க மாட்டாங்க. எனக்கு வெளியே வேலை இருக்கு நிலவன் கூட போவதாக ஐயன் கேட்டால் சொல்லு என சொல்லி விட்டு போக புவனா அவன் போனவுடனே பாதி சாப்பிட்டில் அழுது கொண்டு எழுந்து உள்ளே ஓட கபிலன் எழுந்தவன். கபிலன்





உங்க தம்பியால் தான் நாங்க இங்கே வருவதை விரும்புவதே இல்லை அவர் வைத்தது தான் சட்டம் ஒத்த ஆண் பிள்ளை என்றால் அவருக்கு கொம்பா முளைத்து இருக்கு. சின்ன அக்கா எப்படி தான் இவரை கட்டிக்க சம்மதம் சொன்னதோ தெரியாது அது என்ன பாவம் பண்ணியதோ உங்க சாப்பாட்டை கொண்டு அவருக்கே கொட்டுங்க நான் அசோக் சித்தப்புவை பார்க்க பள்ளிகூடம் போகிறேன். இப்போ தான் தெரிகிறது பெரியப்பு என் ஐயன் சித்தப்பு ஏன் அதிகமாக இங்கே வருவது கிடையாது என்று ராணுவ ஆட்சி நடந்தால் எப்படி வருவாங்க நல்ல காலம் அந்த கிழவியை காணவில்லை அது வேற ஒரு பாட்டு பாடி இருக்கும். சே என்ன குடும்பமோ தெரியாது என அவன் சாப்பாட்டு தட்டில் கை கழுவி விட்டு வெளியே போக கங்கா, யமுனா, காவேரி கலங்கி நிற்க இத்தனை நேரம் கபிலன் பேச்சை கேட்டு கொண்டு இருந்த ரதி யோசனையாக புவனாவை தேடி போனாள்.





பஞ்சவர்ணம் வரும்…

 

[Brammastram Writers]

06



கபிலன் கோபத்தோடு அசோக்கை தேடி அவர் வேலை பார்க்கும் பள்ளிக்கூடத்திற்கு போனான் அங்கே தான் அவன் குடும்பத்து புள்ளைங்க அனைவருமே படித்தது என்ன ஒன்று கபிலன் புவனாவை தவிர மற்றவர்கள் எல்லாம் பத்தாவது வரைக்கும் தான் படித்தார்கள். அப்போது மதிய இடைவேளை நேரம் அசோக் வழமையாக அங்கே உள்ள மரத்தடியில் தான் பசங்க கூட பசங்களாக இருந்து சாப்பிடுவார் வகுப்பில் தான் அவர் வாத்தி இப்போ நல்ல நண்பன். செழியன் நன்றாக படிக்க கூடிய பையன் என்பதால் தான் அவன் படிக்க மாட்டேன் என முரண் பண்ணும் போது அன்பாக சொல்லி கேட்கவில்லை என்பதால் அடுத்த ஆயுதமாக அடியை பிரயோகிக்க அது தான் அவன் மனதில் வன்மையாக வளர்ந்தது. கபிலனுக்கு அவர் எங்கே இருப்பார் என்று தெரியும் என்பதால் அவன் ஒரு மரத்தடியை நோக்கி போக அங்கே அசோக் கூடவே சில பையன், பெண்ணுங்க என அனைவருமே சாப்பிட்டு கொண்டு இருந்தனர்.





அசோக் மரத்தடியில் மேடை போல ஒன்றில் இருக்க கீழே இருந்து பசங்க சாப்பிட்டு கொண்டு இருக்க அவரும் அவர்கள் சொல்வதை கேட்டு கொண்டு இருக்க சித்தப்பு என குரல் கேட்க. திரும்பியவர் கபிலனை காண வா கபிலா என்றார். கபிலன் வர அங்கே உள்ள புள்ளைங்க ஹேய் கபிலன் அண்ணா எங்களுக்கு பட்ணத்தில் இருந்து என்ன கொண்டு வந்த என அவனை சுற்ற கபிலனும் சிலரை அணைத்தவன். கபிலன்





ஸாரி பசங்களா அவசரமாக மாமா கல்யாணம் என வந்ததால் உங்களுக்கு ஏதுவும் வாங்கி வரவில்ல. நாளைக்கு தானே உங்களுக்கு விருந்து இருக்கே பிறகு என்ன என அவர்களும் சரி என்றவர்கள் கொஞ்ச நேரம் பேசி விட்டு தங்கள் தோழமையோடு ஐக்கியமாக கபிலன் சித்தப்பு என அசோக் அருகே போக. அசோக்




முதலில் உட்காரு சாப்பிட்டு விட்டு பிறகு பேசலாம் காலி வயிறு தான் எதையுமே பெரிதாக நினைக்க வைக்கும். என்ன பார்க்கிற இவனுக்கு எப்படி நம்ம சாப்பிடவில்லை என தெரிந்தது என்றா நான் உன் சித்தப்பு மட்டுமல்ல வாத்தியும் கூட உன் கோபம் சாப்பாட்டு மேலே தான் பாயும். இன்று உன் சித்தி சமையல் இல்ல என் சமையல் சாப்பிட்டு பாரு என அவர் கொண்டு வந்த டிபன் பாக்ஸ் ஒன்றில் கொஞ்சம் சாம்பார் சாதம், கோவைக்காய் வறுவல்,சேப்பங்கிழங்கு சாப்ஸ் என வைத்து கொடுக்க கபிலனுக்கு உண்மையில் நல்ல பசி மறுக்காமல் சாப்பிட அசோக் அதை பார்த்து கொண்டு இருந்தார் அவன் சாப்பிட்டு முடிய கை கழுவி விட்டு வர. அசோக்





சரி இப்போ சொல்லு செழியன் கூட என்ன பிரச்சனை பசியை மறந்து போகும் அளவுக்கு என கேட்க கபிலன் நடந்தை சொன்னவன். கபிலன்





இப்போ சொல்லு சித்தப்பு நான் பேசியது தப்பா எப்போ பாரு அவரை தான் மூன்று ஆத்தாக்களும் தலையில் தூக்கி வைத்து கொண்டாடி கொண்டு இருக்கிறாங்க. போதாது என்று அந்த கிழவி என் ராசா சிங்கம் என பிணத்தி கொண்டு இருக்கும். அப்புச்சி மட்டும் தான் எங்க பக்கம் பேசும் பெரியப்பு, ஐயன், நீ கூட அவரை தட்டி கேட்க மாட்டேன் என பேசாமல் இருக்கிறீங்க என கோபமாக சொல்ல அசோக் அவன் முதுகில் தட்டி கொடுத்தவர். அசோக்





கபிலா இந்த மனிதர்கள் இடையே முட்டாள் தனம் இருக்கு என்ன சொல்லு ஆண்பிள்ளை தான் வீட்டை காக்க பிறந்தவன் என்ற எண்ணம் அவர்களுக்கு புரியவில்லை அந்த ஆணுக்கு கூட பிறப்பு கொடுப்பவள் பெண் என்று. மூன்று பெண்களுக்கு பிறகு அன்னை இல்லாமல் பிறந்தவன் செழியன் அவனை உன் ஆத்தாக்கள் மூவருமே தங்கள் பிள்ளையாக தான் பா பார்க்கிறாங்க அது இயற்கை அவனுக்கும் அவங்க தான் உயிர்.அளவுக்கு மிஞ்சினால் அமிர்தமும் நஞ்சு என்பது பழமொழி அது போல தான் பாசமும் கூட கண்டிப்பு அரவணைப்பு சரியான விகிதத்தில் கொடுக்க வேணும்.






எனக்கு தெரியும் செழியனுக்கு என்ன மேலே கோபம் இருக்கு என்று அதை என் கிட்ட காட்ட முடியாது காரணம் காவேரி அவள் கண் கலங்கினால் அவனால் தாங்க முடியாது. அது தான் புவனாவை இப்படி திட்டுவது கண்டிப்பு காட்டுவது அவன் எனக்கு என்ன எதிரியா கபிலா அவன் குடும்ப நிலையை கருத்தில் கொண்டு தான் கொஞ்சம் கண்டிப்பு காட்டினேன் படிக்க சொல்லி. காவேரிக்கு முன் எனக்கு அறிமுகமானவன் இவன் கணக்கில்லாத சொத்துக்கு ஒரேய வாரிசு அதை சரியாக கொண்டு நடத்த படித்து இருக்க வேணும் நான் பெரிய படிப்பை படிக்க சொல்லவில்லை. அவன் விவசாயம் தானே செய்கிறான் அது சம்பந்தமாக படித்தாலே போதும் அதற்கு பெரிய மதனி திட்டாத குறையாக வந்து பேசி விட்டு போனாங்க சின்ன மதனி கொஞ்சம் தாழ்மையாக பேசினாங்க காவேரி அழுது கொண்டு சொன்னாள். இதற்கு மேலே நான் என்ன செய்வது நான் இங்கே வேலை பார்க்க வந்தவன் இந்த பள்ளிகூடம் மாமாவுக்கு சொந்தமானது அவர் பையன் இப்படி இருப்பது எனக்கு வருத்தமாக இருந்தது.





காவேரியை நான் காதலித்தது அவள் அழகு பணத்திற்காக இல்ல கபிலா அவள் குடும்பம். செழியன் மேலே பொழியும் பாசத்தில் எனக்கு ஒரு துளியாவது கிடைக்காத என்ற ஏக்கம் அன்பு கிடைக்காத என்னை போல ஆளுங்களுக்கு தான் அது புரியும் காவேரி, மாமா இரண்டு பேருமே அதை புரிந்து கொண்டாங்க .நீ மட்டுமல்ல கபிலா புவனாவும் புரிந்து கொள்ள வேண்டிய விஷயங்கள் நிறைய இருக்கு செழியன் கோபக்காரன் தான் ஆனா அடக்கி ஆள நினைப்பவன் இல்ல அவனிடமும் அன்பு இருக்கு அதை சரியாக புரிந்து கொண்டால் சரி இந்தா வீட்டு சாவி நம்ம வீட்டில் போய் கொஞ்ச நேரம் தூங்கு சித்தப்பு மூன்று மணிக்கு வந்து விடுவேன். செழியனுக்கு நாளை கல்யாணம் வம்பு வளர்க்க வேணாம் புரிகிறதா என தன் வீட்டு சாவியை கொடுத்து விட்டு போகும் அவரை கபிலன் உயர்வாக பார்த்தான் நிறை குடம் தளும்பாது குறை குடம் கூத்தாடும் என்பது இது தான் போல என நினைத்தான்.






பஞ்சவர்ணம் வரும்….

 

[Brammastram Writers]

07



புவனாவை தேடி ரதி அவளின் அறைக்கு சென்றாள் பெண்கள், பேத்திகள் தனி தனி வீடுகளில் வசித்தாலும் கூட சந்தானம் பெண்கள் மேலே கொண்ட பாசத்தால் அவர்களுக்கும் பேரன் பேத்திகளுக்கு தனி தனி அறை கட்டி வைத்து இருந்தார். அதுவும் செழியன் தலை எடுத்த பிறகு அக்காக்கள் வசதியாக வந்து தங்க என்று பரம்பரையாக வந்த பண்ணை வீட்டை கொஞ்சம் விரிபடுத்தி வைத்தான் ரதி புவனாவின் ரூம்க்கு போக அங்கே புவனா கட்டிலில் கண்கள் கலங்க இருக்க. ரதி பாப்பா என குரல் கொடுக்க புவனா நிமிர்ந்தவள் ரதியை காண சட்டென கண்களை துடைத்து கொண்டு வா அக்கா என ரதி அவள் அருகே வந்து கட்டிலில் இருந்தவள் அவள் முகத்தை தடவ புவனா அந்த கையை பற்றி கொள்ள. புவனா





மாமா திட்டி விட்டதா பாப்பா இது எப்பவுமே நடப்பது தானே மாமாவுக்கு ஏன் உன்னை பிடிக்கவில்லை என்று தெரியவில்லை. இத்தனைக்கும் எங்க வீட்டு கடைகுட்டி நீ ரொம்ப படித்தவள் அவருக்கு கோபம் வரும் தான் ஆனா ஒரு தடவை கூட என்னை அக்காவை திட்டியது இல்லை இன்று கட்டாயமாக நான் அவர் கிட்ட இதை பற்றி பேச வேணும் என.புவனா





அப்படி ஏதும் இல்லை அக்கா நீ தப்பாக புரிந்து கொண்ட நீ இது பற்றி மாமா கிட்ட பேச வேணாம். நாளை உனக்கு கல்யாணம் அது பற்றி மட்டும் யோசி இன்று நைட் உனக்கு மெஹந்தி போட்டு விடுகிறேன் மருதாணி வேணாம் உனக்காக கெளரி அக்காவுக்காக தான் மெஹந்தி கோன் வாங்கி வந்தேன் டிசைன் அது கூடவே தந்து விட்டாங்க என பேச்சை மாற்ற. ரதி





நீ என்னை விட ரொம்ப நல்லவள் பாப்பா என்னை, கெளரி அக்கா போல நீயும் இந்த கிராமத்தில் மாட்டி விடாதே. நீ வெளியே போய் சித்தப்பு போல பெரிய படிப்பு படித்து ஆபீசர் ஒருவரை கல்யாணம் கட்டி கொள்ளு முக்கியமாக உன் மனதுக்கு பிடித்தவரை கட்டி கொள்ளு உனக்கு சிண்ணன் துணையாக இருக்கும் என. புவனா





ஏன் அக்கா இப்படி பேசுகிற நீ தான் எங்களை விட ரொம்ப அழகு மட்டுமல்ல பாசமானவள் கூட .மாமா முரடு தான் ஆனா வெள்ளை மனசு உள்ளவர் நான் படித்தது இந்த கிராமத்தை நம்ம குடும்பத்தை விட்டு போகவில்லை இந்த ஊரை கல்வியறிவு உள்ள ஊராக மாற்ற தான். சிண்ணன் கூட அப்படி தான் சொல்லும் நிலவன் மாமா கூட ரொம்ப நல்லவர் கெளரி அக்கா சந்தோஷமாக தானே வாழுது சரி அதை விடு உனக்கு இந்த கல்யாணத்தில் இஷ்டம் இல்லையா என கேட்க. ரதி





இஷ்டம் அதை பெண்களை கேட்டு முடிவு பண்ணும் காலம் இன்னும் வரவில்ல பாப்பா. பெண்களை சுற்றி குடும்ப பாசம், கெளரவம், விசுவாசம் என்ற தளைகள் கட்டபட்டு இருக்கு நாகரீகம் வளர்ந்தாலும் இந்த நிலை மட்டும் வளரவில்லை வளரவும் ஆண்கள் மட்டுமல்ல பெண்களும் விட மாட்டாங்க காலம் பூராகவும் நம்ம வலியை சுமந்து கொண்டு தான் வாழ வேணும் என சொல்ல. புவனா ஏதோ கேட்க வாய் எடுக்க புவனா குட்டி என சத்தம் கேட்க புவனா, ரதி இருவருமே பார்க்க கெளரி நின்று இருந்தாள் குழந்தையை சுமப்பதால் தாய்மை அழகு சுடர் விட்டது கூடவே கோவில் போய் வந்து இருந்தாள் அதனால் நெற்றி, வகிட்டில் நிறைய குங்குமம், சந்தனம், திருநீறு என இருக்க. புவனா தன் கவலை மறந்து பெரிய அக்கா என போய் அவளை அணைக்க போக நான்கு மாதம் மேடிட்ட வயிறு தடுக்க கெளரியின் பக்கமாக வந்து அணைத்து கொண்டவள். புவனா





பெரிய அக்கா ரொம்ப அழகாக இருக்க என் கண்ணே பட்டு விடும் போல எல்லாம் பாப்பா வந்த நேரம் போல. என்ன குட்டி மா சித்தி பேசுவது கேக்குதா என கெளரியின் வயிற்றில் முத்தமிட கெளரி தங்கையின் தலையை தடவி விட. புவனா





அக்கா உனக்கு என்ன வாங்கி வந்தேன் என பாரு சின்ன அக்காவுக்கு கொடுத்து விட்டேன். இது உனக்கு என தன் பிரோவை திறந்தவள் சில பைகள் எடுத்து கொண்டு வந்து கெளரியிடம் கொடுக்க கெளரி அதை ஆசையாக பிரித்து பார்க்க அதில் கெளரிக்கு பிடித்த நாவல் நிறத்தில் பனாரஸ் பட்டு, ரதி போல பன்னிரண்டு கலரில் கண்ணாடி வளையல், அழகிய குழந்தை படம் போட்ட போட்டோ பிரேம், சோன் பப்டி, ஒரு குட்டி பிங் கலரில் கரடி பொம்மை என இருக்க கெளரி முகம் மலர அதை எல்லாம் ஆசையாக தன் மேலே வைத்து பார்த்தவள். கெளரி





ரொம்ப அழகாக இருக்கு பாப்பா எல்லாம் ஆமா இதற்கு எல்லாம் ரொம்ப செலவு ஆகி இருக்குமே. பணத்திற்கு என்ன பாப்பா செய்த உன் வளையல் ஏதும் விற்று விட்டாயா என கவலையாக கேட்க புவனா அவள் கன்னத்தை கிள்ளி விட்டு. புவனா





அப்படி செய்வேனா பிறகு நம்ம ஆச்சி என்னை உண்டு இல்லை என ஆக்கி விடும். இது என் படிப்பு சம்பந்தமாக புரஜெக்ட் மூலமாக கிடைத்த பணம் கூடவே அப்பா, தாத்தா, பெரிய, சின்ன அண்ணங்கள் கொடுக்கும் பாக்கெட் மணி எல்லாம் சேர்த்து வைத்து என் அக்காக்களுக்கு வாங்கியது. எனக்கு தான் நீங்க அத்தனை பேரும் மாதம் இரண்டு தடவை டிரஸ் தொடங்கி எல்லாம் வாங்கி நிலவன் மாமா, அப்பா கிட்ட கொடுத்து அனுப்புறீங்களே பிறகு எனக்கு தனியாக பணம் எதற்கு என கேட்டாள். பிறகு சகோதரிகள் மூவருமே அரட்டை அடித்து கொண்டு இருக்க உறவுகள் வருகை தொடங்க ரதி பேச வந்த விஷயம் மறந்து போனது புவனா அதை விசாரிக்காத விளைவு மறு நாள் தெரிந்தது .





பஞ்சவர்ணம் வரும்…