விடையறியா வினா அவள் டீசர்

[Brammastram Writers]

VVA டீசர்

 

[Brammastram Writers]

டீசர்- 1


அந்த மண்டபத்தில் இருக்கும் அனைவரும் பேரதிர்ச்சியில் வாய் மேல் கை வைத்துக் கொண்டு நடக்கும் கூத்தை வேடிக்கை பார்த்துக் கொண்டு இருக்க, மணமகன் மணமகள் உறவினர்கள் முக சுழிப்புடன் நின்று இருந்தனர்.

மாப்பிள்ளையின் அம்மா "யாரும்மா நீ? தாலி கட்டுற நேரத்தில் வந்து பிரிச்சனை செய்துட்டு இருக்க. உன் வயித்துல வளர குழந்தைக்கு என் புள்ளை தான் அப்பானு எதை வச்சி சொல்ற. நான் ஒன்னும் என் புள்ளையை முறை தப்பி போற அளவுக்கு வளர்க்கல. அவன் சொக்க தங்கம்" என சொன்னதை கேட்ட மணமகனாக அமர்ந்து இருந்த களியுகவரதனுக்கே தன் அன்னை பேசுவது கொஞ்சம் ஓவராக தான் போகிறதோ என்று தோன்றியது.

அங்கே மார்புக்கு நடுவே கரங்களை கட்டிக் கொண்டு தன்னை சுட்டெரிப்பது போல் பார்த்துக் கொண்டு நின்று இருந்தவளை, என்ன என்று புருவத்தை உயர்த்தி சைகையால் அவன் கேட்க,

அவளோ "த்தூ" என்று துப்பிவிட்டு "என் வயத்துல வளர குழந்தைக்கு உங்க புள்ள தான் அப்பா. இதை நிரூப்பிக்க என்ன டெமோ ஏதாவது காட்ட முடியுமா என்ன?" என்று கடுப்புடன் கேட்டவளை பார்த்து,

"ஹா" என்று வாயை பிளந்தார் அவர்.

"பொண்ணு மாதிரியா பேசுற நீ" என்று கேட்டுக் கொண்டே வரதனின் தந்தை முன்னே வர, அவரை ஏற இறங்க பார்த்தவள்,

"இந்த வா போ னு பேசுற வேலையெல்லாம் வேணாம். அப்புறம் நானும் அப்படி தான் பேசுவேன்" என்றாள் திமிராக.

அவள் கூறுவதோ, தன் எதிரே இருப்பவர்கள் அவளை எப்படி நடத்துகிறார்களோ அப்படி தான் தானும் நடந்து கொள்பேன் என்பது போல் இருக்க. முகம் சுருங்கி போனது அவருக்கு.

அதுவரை அமைதியாக மணமேடையில் அமர்ந்து இருந்த களியுகவரதன் சற்றே கோபத்துடன் எழுந்து மங்கையின் அருகில் வந்தவன் அவளை அருவெறுப்பாக பார்த்து "இங்க பாரு மாயா, உன்னோட இந்த அகங்காரத்தை வேற யார்கிட்டயாவது வச்சிக்கோ. என் குடும்பத்துகிட்டையும் என் கிட்டையும் வச்சிக்காத. ஆமா குழந்தை குழந்தை சொல்றீயே" என்று கேட்டுக் கொண்டே அவள் வயிற்றை சுட்டி காட்டி "இதுக்கு நான் தான் காரணம் எதை வச்சிடி சொல்ற" என்று எரிச்சலுடன் கேட்டான்.


"அதுக்கு, நம்மக்ககுள்ள நடந்ததை வீடியோவா எடுத்து வச்சிட்டு இருக்க முடியும். ஒருவேளை நீ இப்படியெல்லாம் கேட்பனு அன்னிக்கே தெரிஞ்சு இருந்தா கண்டிப்ப வீடியோ எடுத்து இருப்பேன்டா" என்று அவனுக்கு சற்றும் சலிகாத குரலில் எந்த தயக்கமுன்றி பேசுபவளை பார்த்து வெறுத்து போனான் களியுகவரதன்.

சுற்றி இத்தனை பேர் இருக்கிறார்களே என்று கவலையே கொள்ளாமல் பேசும் மாயாவை கண்டு அனைவரும் "பொண்ணா இது" என்று முணுமுணுக்காமல் இருக்க முடியவில்லை.

அந்நேரம் மணமேடையில் அமர்ந்து இருந்த கீர்த்தனா சட்டென்று மயக்கம் போட்டு விழவும், அனைவரின் கவனமும் அவள் மீது திரும்பியது.

திருமணத்திற்கு வந்து இருந்த மருத்துவர் கீர்த்தனாவை பரிசோதித்து விட்டு, குரலை சரி செய்துக் கொண்டே தயக்கமாகவே "கீர்த்தி பிரக்னண்டா இருக்கா" என்று அனைவரின் தலையிலும் குண்டை தூக்கி போட,

யார் இதுக்கு காரணம் என்று அவளிடம் கேட்க, கீர்த்தனா தலையை குனிந்து கண்ணீரோடு விழிகளை உயர்த்தி "மாமா தான்" என்று அங்கே இறுகி போய் நின்று இருந்த களியுகவரதனை விரல் நீட்டி காட்டினாள்.

 

[Brammastram Writers]

ஹாய் டார்லிங்ஸ்...

சில ப்ரியமானவர்கள்

களியுகவரதன் வராது கலியுகவரதன் தான் வரும் சொன்னாங்க. நான் கூகுள்ல தேடி பார்த்து தான் இந்த பெயரை வைத்தேன். அதில் களியுகவரதன் என்றால் கடவுள் விஷ்ணுவிற்கு ஒப்பானவர் இருந்திச்சி.

சரி இருந்தாலும் கதை படிக்கும் போது டிஸ்டர்பன்ஸ் வேணாம்னு நினைச்சிங்கனா சொல்லுங்க டார்லிங்ஸ் கலியுகவரன் மாத்திடலாமா இல்லை களியுகவரதனே வைக்கலாமா?

டீசர்- 2

விடையறியா வினா அவள்!

அமைதியாக அமர்ந்து அனைவரும் உணவருந்திக் கொண்டு இருக்க... அவர்களையே வெறித்து பார்த்தபடி ஓரமாக நின்று இருந்தாள் மாயா.

களியுகவரதன் தன் கரத்திலிருந்த உணவை ஒரு வாய் பிசைந்து எடுத்தவன் அங்கே அமைதியாக தலையை குனிந்தபடி அமர்ந்து இருந்த கீர்த்தனாவின் உதடருகில் எடுத்து சென்றான். மெல்ல வாய் திறந்து அதை வாங்கிக் கொண்டவள் நிமிர்ந்து யாரையும் பார்க்கவில்லை.

பார்த்தாலும் யாருமே அவளிடம் பேச தயாராக இல்லாத போது, எப்படி தான் அவளும் அவர்களை பார்ப்பாள்.

உணவை கீர்த்தனாவிற்கு ஓட்டிக் கொண்டு "இவ சாப்பிட்டாளா இல்லையா கூட பார்க்க மாட்டிங்களா? எல்லாத்துக்கும் நான் வந்து நிற்க முடியுமா? கர்ப்பமா இருக்கிற பொண்ணு காலையில இருந்து சாப்பிடாம இருக்கா. கொஞ்சமாவது யாருக்காது அக்கறை இருக்கா. நம்ம வீட்டு பொண்ணு தானே இவ?" என்று மற்றவர்களை திட்டிக் கொண்டே கீர்த்தனாவிற்கு சாதம் ஊட்டி விட,

"மாமா" என மென்மையாக அழைத்தாள் கீர்த்தனா.

"நீ சும்மா இரு. உனக்கு தான் உன்னையே பார்த்துக்க தெரியாதே. எப்போ பாரு மத்தவங்களுக்கு வேலை செய்துட்டே இரு" என்று அவளை திட்டியவன் அடுத்த வாயை ஊட்ட, அங்கே இருந்த மற்றவர்கள் தங்களுக்கும் அந்த திட்டுக்கும் சம்பந்தமில்லை என்பது போல் சாப்பிட்டுக் கொண்டு இருக்க. அதை பார்த்தவனுக்கு கோபம் தான் வந்தது.

பற்களை கடித்துக் கொண்டு தன் கோபத்தை கட்டுப்படுத்திக் கொண்டான்.

அச்சமயம் நின்றுக் கொண்டு இருந்த மாயா, நடந்து சென்று அவர்களுக்கு எதிரே இருந்த சோபாவில் கால்மேல் கால் போட்டுக் கொண்டு அமர்ந்தவள்,

"ஏன் வரதன் உன் ஆசை கள்ள காதலி கீர்த்தனாவுக்கு சாப்பிட்ட ஃபுட், ஒருவேளை பாய்சனா மாறி செரிக்காம போனா, வயித்துல வளர்கிற குழந்தைக்கு ஏதாவது ஆகிடுமா? வரதன் டார்லி" என்று அப்பாவியாக ஒன்றும் தெரியாத பிள்ளை போல் முகத்தை வைத்துக் கொண்டு உதட்டில் தோன்றிய வன்மத்தின் மெல்லிய கீற்றோடு கேட்டாள் மாயா.

அவள் என்ன சொல் வருகிறாள் என்று புரிந்து கொள்ளவே சில நொடிகள் தேவைப்பட்டது களியுகவரதனுக்கு.

அதை உணர்ந்தவன் அதிர்ச்சியுடன் மாயாவை திரும்பி பார்த்து "ஏய் சாப்பாட்டுல விஷம் கலந்துட்டியாடி" என்று தொண்டை குழி ஏறி இறங்க கேட்க,
வரதனின் வார்த்தைகளை கேட்ட மற்றவர்கள் சாப்பிட்டுக் கொண்டு இருந்த உணவு தொண்டையில் சிக்கிக் கொண்டு புரையேற, அவசரமாக வாயில் வைத்த உணவை தட்டிலே துப்பினார்கள்.

அதை பார்த்த மாயா சத்தமாக சிரித்தபடி "உங்க சாப்பாடுல எல்லாம் எதுவும் கலக்கல. நீங்க பயப்புடமா சாப்பிடுங்க" என்று நம்பிக்கை வேறு கொடுத்தாள் அவள்.

"ஆனா கீர்த்தி தான் பாவம்" என உச்சி கொட்டியவளின் அருகில் ஆக்ரோஷமாக வந்தவன் உணவு அப்பி இருந்த கரத்தை அப்படியே அவள் கழுத்தை பிடித்து தூக்கி தள்ளிக் கொண்டே சுவரில் அழுத்தி கழுத்தை நெறித்தான்.

"ஏன்டி இப்படி பண்ண? அவ கர்பமா இருக்கா? பாவம் சின்ன பொண்ணுடி அவ" என ஆக்ரோஷமாக கத்தினான் களியுகவரதன்.

அவள் கழுத்தை அழுத்தி பிடித்து இருந்த கரத்தை அவள் விலகி விட கூட நினைக்காமல், அவன் கண்களை எந்த ஒரு தடுமாற்றமுமின்றி "நானும் தான் கர்ப்பமா இருக்கேன். உன்னோட உண்மையான காதலி எனக்கு சாப்பாடு ஊட்டி விடாம, உன் கள்ள காதலிக்கு சாப்பாடு ஊட்டி விட்டா, பார்த்துட்டு பாவமா முகத்தை வச்சிட்டு சும்மா இருப்பேனா? இதை தான் பண்ணுவேன்" என்று மூச்சி திணறலுடன் மாயா பேசினாலும் அவன் கரத்தை அகற்றவில்லை.

அவன் கோபத்தில் மேலும் அவளின் கழுத்தை அழுத்தி பிடிக்க. அவள் கண்கள் எல்லாம் சிவந்து கண்ணீர் கூட வெளியேறி விட்டது.

அந்த நொடி "மாமா" என்று வயிற்றை பிடித்துக் கொண்டு வலியில் கத்திய கீர்த்தனா குரலில் சட்டென்று மாயாவை விட்டு கீர்த்தனாவிடம் ஓடினான்.

அவன் விட்ட வேகத்தில் அவளுக்கு மூச்சு வாங்க இரும்பிக் கொண்டே கண்கள் சிவக்க அங்கே நடப்பதை விழிகளை மட்டும் உயர்த்தி பார்த்தாள் மாயா.